പഠനക്ലാസ്സും ഔഷധസസ്യത്തൈ വിതരണവും
Posted By : Seed SPOC, Alappuzha On 8th October 2013
ആലപ്പുഴ: എസ്.ഡി.വി.ബി.എച്ച്.എസിലെ സീഡ് ക്ലബ്ബിന്റെ നേതൃത്വത്തില്‍ രക്ഷാകര്‍ത്താക്കള്‍ക്കായി പഠന ക്ലാസ്സും ഔഷധ സസ്യത്തൈ വിതരണവും നടത്തി.
ഔഷധ സസ്യങ്ങളുടെ പ്രാധാന്യം, ഉപയോഗം, ജീവിതത്തില്‍ പാലിക്കേണ്ട ചിട്ടകള്‍ എന്നിവയെക്കുറിച്ച് ശാന്തിഗിരി ആസ്പത്രിയിലെ ഡോ.സുജാത്കുമാര്‍ ക്ലാസ് എടുത്തു. രക്ഷാകര്‍ത്താക്കളുടെ സംശയങ്ങള്‍ക്കും അദ്ദേഹം മറുപടി നല്‍കി.
ശാന്തിഗിരി ഔഷധ തോട്ടത്തില്‍നിന്ന് കൊണ്ടുവന്ന നാല്‍പ്പതോളം തൈകളുടെ വിതരണോദ്ഘാടനം മാതൃഭൂമി സീഡ് കോ-ഓര്‍ഡിനേറ്റര്‍ അമൃത സെബാസ്റ്റ്യന്‍ നിര്‍വ്വഹിച്ചു. സ്കൂള്‍ ഹെഡ്മിസ്ട്രസ് ടി.എം.ഈശ്വരി സ്വാഗതവും വി.ജയന്തി നന്ദിയും പറഞ്ഞു.