വയോധികരെ പ്രണമിച്ച് സീഡ് വിദ്യാര്‍ത്ഥികള്‍
Posted By : tcradmin On 3rd October 2013
ഇരിങ്ങാലക്കുട:ലോക വയോജനദിനത്തില്‍ വയോധികരെ പ്രണമിച്ച് വിദ്യാര്‍ത്ഥികള്‍ അനുഗ്രഹം തേടി. എടതിരിഞ്ഞി എച്ച്.ഡി.പി. സമാജം ഇംഗ്ലീഷ് മീഡിയം സ്‌കൂളിലെ സീഡ് വിദ്യാര്‍ത്ഥികളാണ് പരിപാടി സംഘടിപ്പിച്ചത്. സ്‌കൂളില്‍ നടന്ന ചടങ്ങില്‍ പടിയൂര്‍ പഞ്ചായത്ത് വൈസ് പ്രസിഡന്റ് കെ.സി. ബിജു ഉദ്ഘാടനം ചെയ്തു. സമാജം ഭാരവാഹി ശശീന്ദ്രന്‍ അധ്യക്ഷനായി. ചാണശ്ശേരി സിദ്ധാര്‍ത്ഥന്‍, തറപ്പറമ്പില്‍ നാരായണന്‍, പ്ലായ്ക്കല്‍ വട്ടുമൂപ്പന്‍, തെക്കൂട്ട് വലൂപ്പറമ്പില്‍ വള്ളിക്കുട്ടി, കല്ലിങ്ങപ്പറമ്പില്‍ കുഞ്ഞിക്കുട്ടി, തൈവളപ്പില്‍ തങ്കമണി എന്നിവരെയാണ് ആദരിച്ചത്. സീഡ് പരിസ്ഥിതി പ്രവര്‍ത്തനങ്ങള്‍ക്ക് നേതൃത്വം നല്‍കുന്ന പി. ശ്രീദേവി, വിദ്യാര്‍ത്ഥികളായ അനന്ത, ഐശ്വര്യ രാംദാസ്, നിവേദ്യ, ഇജാസ്, അമന്‍, അതുല്‍കൃഷ്ണ തുടങ്ങിയവര്‍ നേതൃത്വം നല്‍കി. ചാണശ്ശേരി സിദ്ധാര്‍ത്ഥന്‍ കുട്ടികളെ അനുഗ്രഹിച്ച് പ്രഭാഷണം നടത്തി. പ്രിന്‍സിപ്പല്‍ ബിനി ടി.ജെ., പി.ടി.എ. പ്രസിഡന്റ് നിബി, സീന, അനന്ത, ജിനി തുടങ്ങിയവര്‍ സംസാരിച്ചു.