ഓണക്കോടി വിതരണം ചെയ്തു
Posted By : klmadmin On 2nd October 2013
കരുനാഗപ്പള്ളി: തഴവ കുതിരപ്പന്തി സെന്റ് ഗ്രിഗോറിയോസ് സെന്‍ട്രല്‍ സ്‌കൂളിന്റെയും മാതൃഭൂമി സീഡ് പദ്ധതിയുടെയും സംയുക്താഭിമുഖ്യത്തില്‍ ഓണക്കോടിയും പിടിയരി വിതരണവും നടത്തി. സമാഹരിച്ച അരിയും ഓണക്കോടിയും രണ്ട് വൃദ്ധസദനങ്ങള്‍ക്ക് സംഭാവനചെയ്തു. വവ്വാക്കാവ് മാര്‍ത്തോമ്മ സഭയുടെ നിയന്ത്രണത്തില്‍ പ്രവര്‍ത്തിക്കുന്ന ശാന്തിഭവനം വൃദ്ധസദനത്തിലെ അന്തേവാസികള്‍ക്കും ചങ്ങന്‍കുളങ്ങര സത്യസായി സംഘപരിപാലനത്തിന്റെ ആഭിമുഖ്യത്തില്‍ പ്രവര്‍ത്തിക്കുന്ന സായീശം വൃദ്ധസദനത്തിലെ അന്തേവാസികള്‍ക്കുമാണ് നല്‍കിയത്. ചടങ്ങിനോടനുബന്ധിച്ച് അന്തേവാസികള്‍ അവരുടെ അനുഭവങ്ങള്‍ കുട്ടികളുമായി പങ്കുവച്ചു. തുടര്‍ന്ന് കുട്ടികളും അന്തേവാസികളും ഓണപ്പാട്ടുകള്‍ പാടി.
പി.ടി.എ. പ്രസിഡന്റ് ഉണ്ണിക്കൃഷ്ണപിള്ളയും സ്‌കൂള്‍ മാനേജര്‍ ഡി.ജോര്‍ജ്ജ് കാട്ടൂത്തറയിലും സീനിയര്‍ പ്രിന്‍സിപ്പല്‍ വി.മധു സൂദനനും സീഡ് കോ-ഓര്‍ഡിനേറ്റര്‍ ദീപയും നേതൃത്വം നല്‍കി. പ്രിന്‍സിപ്പല്‍ ശോഭനകുമാരി സ്വാഗതവും വൃദ്ധസദന സെക്രട്ടറിമാരായ രാജീവും യേശുദാസും നന്ദിയും പ്രകാശിപ്പിച്ചു.
മാതൃഭൂമി സീഡ് എക്‌സിക്യൂട്ടീവ് കെ.വൈ.ഷെഫീഖ്, കൊല്ലം വിദ്യാഭ്യാസ ജില്ലാ കോ-ഓര്‍ഡിനേറ്റര്‍ ഇ.കെ.പ്രകാശ്, എസ്.പി.ഒ.സി. സി.ആര്‍.പ്രഭ എന്നിവര്‍ പങ്കെടുത്തു.