ഓണസമ്മാനവുമായി സീഡ് യൂണിറ്റ് ഗാന്ധിഭവനില്‍
Posted By : klmadmin On 2nd October 2013
കടയ്ക്കല്‍ :കടയ്ക്കല്‍ സര്‍ക്കാര്‍ ഹൈസ്‌കൂളില്‍ പ്രവര്‍ത്തിക്കുന്ന മാതൃഭൂമി സീഡ് യൂണിറ്റ് ഓണസമ്മാനവുമായി അത്തം നാളില്‍ പത്തനാപുരം ഗാന്ധിഭവനിലെത്തി. ഗാന്ധിഭവനില്‍ നടന്ന ആഘോഷപരിപാടി ജില്ലാ പഞ്ചായത്ത് ഡിവിഷന്‍ അംഗം എസ്.ആനന്ദകുസുമം ഉദ്ഘാടനം ചെയ്തു.
സെക്രട്ടറി സോമരാജന്‍ സീഡ് പ്രവര്‍ത്തകരെ സ്വീകരിച്ചു. അരി, പുതുവസ്ത്രം, നാളികേരം, ചേന, വെള്ളരി. പടവലം, നേന്ത്രവാഴക്കുല എന്നിവയ്‌ക്കൊപ്പം സാമ്പത്തിക സഹായവും നല്‍കി. ജില്ലാ പഞ്ചായത്ത് അംഗങ്ങളായ എസ്.ആനന്ദകുസുമം, ലത സി. നായര്‍, ഗ്രാമപ്പഞ്ചായത്ത് അംഗം ഷീജ ഷാനവാസ്, ഹെഡ്മിസ്ട്രസ് സി.തങ്കമണി, സീഡ് കോ-ഓര്‍ഡിനേറ്റര്‍ വി.വിജയന്‍ പി.ടി.എ. പ്രസിഡന്റ് വി.സുബ്ബലാല്‍, എച്ച്.എസ്.എസ്.ടി.എന്‍.ജി.സുഭാഷ് എന്നിവര്‍ സംസാരിച്ചു.
അധ്യാപികമാരായ വി.വിനിതകുമാരി, ടി.ലിസി, എല്‍.സരള, ആര്‍.റാണി, സീമ രാജന്‍, സുമയ്യബീഗം, എസ്.സിന്ധു, ബീന, പി.ടി.എ. അംഗം ചിത്രസേനന്‍, എസ്.എ.സിന്ധു എന്നിവര്‍ സീഡ് അംഗങ്ങള്‍ക്കൊപ്പം പങ്കെടുത്തു.
തിരുവാതിര, കോല്‍ക്കളി, നാടന്‍പാട്ട്, കഥാപ്രസംഗം, ലഘുനാടകം എന്നിവ, ഗാന്ധിഭവന്‍ ഓഡിറ്റോറിയത്തില്‍ സീഡിന്റെ കലാവിഭാഗം അവതരിപ്പിച്ചു.