നസറേത്ത് സ്‌കൂളില്‍ ഓണാഘോഷവും മാതൃഭൂമി സീഡ് പദ്ധതി വിശദീകരണവും
Posted By : klmadmin On 2nd October 2013
പനന്തോപ്പ്: കുന്നത്തൂര്‍ മാനാമ്പുഴ സെന്റ് ജോസഫ് നസറേത്ത് ഇംഗ്ലീഷ് മീഡിയം സ്‌കൂളില്‍ ഓണാഘോഷ പരിപാടികളും മാതൃഭൂമി സീഡ് പദ്ധതി വിശദീകരണവും സംഘടിപ്പിച്ചു.
വ്യാഴാഴ്ച നടന്ന സീഡ് ക്ലാസ് കുട്ടികളുടെ തിരുവാതിരകളിയോടെയാണ് തുടങ്ങിയത്. മഹാബലിയായി ഏഴാംക്ലാസ് വിദ്യാര്‍ഥിയും സ്‌കൂള്‍ സീഡ് റിപ്പോര്‍ട്ടറുമായ ഗൗരിശങ്കര്‍ വേഷമിട്ടു. അത്തപ്പൂക്കളമത്സരം ക്ലാസ് അടിസ്ഥാനത്തില്‍ സംഘടിപ്പിച്ചു.
പരിപാടിയുടെ ഉദ്ഘാടനം കുന്നത്തൂര്‍ ഗ്രാമപ്പഞ്ചായത്ത് പ്രസിഡന്റ് ബി.അരുണാമണി നിര്‍വഹിച്ചു. പി.ടി.എ. പ്രസിഡന്റ് ജോസ് തോമസ് അധ്യക്ഷനായി. സ്‌കൂള്‍ സീഡ് കോ-ഓര്‍ഡിനേറ്റര്‍ അഭി ജി.അലക്‌സ് നേതൃത്വം നല്‍കി.
മാതൃഭൂമി സീഡ് പ്രോഗ്രാം എക്‌സിക്യൂട്ടീവ് ഷഫീക്ക്, കൊല്ലം വിദ്യാഭ്യാസ ജില്ലാ സീഡ് കോ-ഓര്‍ഡിനേറ്റര്‍ ഇ.കെ.പ്രകാശ് എന്നിവര്‍ ക്ലാസ് നയിച്ചു.
സ്‌കൂള്‍ മാനേജര്‍ അന്നമ്മ സിസ്റ്റര്‍, കുന്നത്തൂര്‍ കൃഷി ഓഫീസര്‍ ലാല്‍ എന്നിവര്‍ പ്രസംഗിച്ചു. വിദ്യാര്‍ഥി പ്രതിനിധികളായ അജിത്ത് കെ.ജോര്‍ജ് സ്വാഗതവും അനിജ രാജ് നന്ദിയും പറഞ്ഞു.