നടുവട്ടം സ്കൂളില്‍ "സീസണ്‍ വാച്ച്' തുടങ്ങി
Posted By : Seed SPOC, Alappuzha On 28th September 2013
ഹരിപ്പാട്: നടുവട്ടം വൊക്കേഷണല്‍ ഹയര്‍ സെക്കന്‍ഡറി സ്കൂളിലെ "മാതൃഭൂമി' സീഡ് യൂണിറ്റ് സീസണ്‍ വാച്ച് തുടങ്ങി. സ്കൂള്‍ മൈതാനത്തെ ആഞ്ഞിലിയുടെ പ്രത്യേകതകള്‍ ശേഖരിച്ചുകൊണ്ടായിരുന്നു തുടക്കം. വിദ്യാര്‍ഥികള്‍ക്കൊപ്പം അധ്യാപകരും സീസണ്‍ വാച്ചില്‍ പങ്കാളികളായി.
സ്കൂള്‍ മാനേജര്‍ എം.എസ്. മോഹനന്‍ ഉദ്ഘാടനം നിര്‍വഹിച്ചു. പ്രിന്‍സിപ്പലിന്റെ ചുമതതലയുള്ള ബി. രമേഷ്കുമാര്‍, ഹെഡ്മിസ്ട്രസ് എല്‍. രാജലക്ഷ്മി, സീഡ് കോ ഓര്‍ഡിനേറ്റര്‍ സലില്‍കുമാര്‍, സീസണ്‍വാച്ച് കോ ഓര്‍ഡിനേറ്റര്‍മാരായ കെ. ലേഖ നായര്‍, രജനി രാജ്, എന്‍.എസ്.എസ്. പ്രോഗ്രാം ഓഫീസര്‍ കെ.വി. ഹരികുമാര്‍, സബ് ജില്ലാ സയന്‍സ് ക്ലബ് കോ ഓര്‍ഡിനേറ്റര്‍ സി.ജി. സന്തോഷ് എന്നിവര്‍ പങ്കെടുത്തു.സ്കൂളിലെ സീഡ് ക്ലബ്ബിന്റെ പ്രവര്‍ത്തനം നേരത്തെ ആരംഭിച്ചിരുന്നു.