സീഡ് വിദ്യാര്‍ത്ഥികള്‍ പാടത്ത് ഞാറ് നട്ടു
Posted By : tcradmin On 27th September 2013
ഇരിങ്ങാലക്കുട:ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് - ജലശ്രീ ക്ലബ്ബുകളുടെ നേതൃത്വത്തില്‍ വെള്ളാങ്ങല്ലൂര്‍ പുഞ്ചപ്പാടത്ത് ഞാറ് നട്ടു. നാടന്‍പാട്ടുകളും കൃഷിപ്പാട്ടുകളുമായി ഉത്സാഹത്തോടെയാണ് വിദ്യാര്‍ത്ഥികള്‍ കൃഷി തുടങ്ങിയത്. ഉമ ഇനത്തില്‍പ്പെട്ട ഞാറാണ് നട്ടത്. കൃഷിയെക്കുറിച്ചുള്ള കുട്ടികളുടെ സംശയങ്ങള്‍ക്ക് ദേവകി അന്തര്‍ജ്ജനം മറുപടി നല്‍കി. പ്രകാശന്‍, കുമാരി എന്നിവര്‍ കുട്ടികളെ ഞാറുനടാന്‍ പഠിപ്പിച്ചു. സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, അശ്വതി ഗിരിജന്‍, ശരത് പീറ്റര്‍, സാന്ദ്ര പി.എസ്., ഋഷികേശ്, കീര്‍ത്തി, ദ്യശ്യ, ആതിര മേനോന്‍, മരിയ, ധീരജ്, ഹരികൃഷ്ണന്‍ തുടങ്ങിയവര്‍ നേതൃത്വം നല്‍കി.