അപകടത്തില്‍പ്പെട്ട ബസ്‌യാത്രക്കാരെ രക്ഷിച്ച പ്രേമന് ആദരം
Posted By : knradmin On 21st September 2013
കണ്ണവം:പേര്യ ചുരത്തില്‍ ഡ്രൈവര്‍ക്ക് പൊള്ളളേറ്റ് അപകടത്തില്‍പ്പെട്ട ബസ്സിന്റെ ഹാന്റ് ബ്രേയ്ക്ക് പിടിച്ച് അനേകരുടെ ജീവന്‍രക്ഷിച്ച പ്രേമനെ തൊടീക്കളത്തെ മാതൃഭൂമി സീഡ് ക്ലബ് ആദരിച്ചു.
കണ്ണവം യു.പി. സ്‌കൂളിലെ സീഡ് ക്ലബ് സംഘടിപ്പിച്ച ചടങ്ങില്‍ കണ്ണവം ഫോറസ്റ്റ് റെയിഞ്ച് ഓഫീസര്‍ എ.പ്രേമരാജന്‍ പ്രേമന് ഉപഹാരംനല്‍കി. പ്രഥമാധ്യാപക ചുമതലയുള്ള സി.സി.പ്രഭാകരന്‍, പി.ടി.എ. പ്രസിഡന്റ് പി.ജനാര്‍ദനന്‍, പാലക്കണ്ടി വിജയന്‍, എം.പദ്മനാഭന്‍, സി.ശിവാനന്ദന്‍, എ.കെ.ബുഷ്‌റ, സീഡ് കോ ഓര്‍ഡിനേറ്റര്‍ കെ.ഭാസ്‌കരന്‍, സീഡ് റിപ്പോര്‍ട്ടര്‍ ആദര്‍ശ് പി.വി. എന്നിവര്‍ പ്രസംഗിച്ചു. ഓണാഘോഷത്തിന്റെ ഭാഗമായി പുലിക്കളി, ഓണസദ്യ എന്നിവനടത്തി.