സീഡംഗങ്ങള്‍ ഹരിതപാത തീര്‍ത്തു
Posted By : knradmin On 21st September 2013
പരപ്പ:പരപ്പ ഗവ. യു.പി. സ്‌കൂള്‍ സീഡംഗങ്ങളുടെ നേതൃത്വത്തില്‍ വഴിയോരത്ത് ഒരു കിലോമീറ്റര്‍ നീളത്തില്‍ ഹരിതപാത നിര്‍മിച്ചു. നെടുവോട് ജുമാ മസ്ജിദ് മുതല്‍ പരപ്പ അങ്കണവാടിവരെയുള്ള റോഡുവക്കില്‍ മാവ്, നെല്ലി, മഹാഗണി, കൊന്ന തുടങ്ങി നിരവധി വൃക്ഷത്തൈകളാണ് നട്ടത്. ഓരോ തൈകളുടെയും സംരക്ഷണം ഉറപ്പുവരുത്താന്‍ സീഡംഗങ്ങളുടെ നേതൃത്വത്തില്‍ പ്രത്യേകസംഘങ്ങള്‍ രൂപവത്കരിച്ചു. രക്ഷിതാക്കളും നാട്ടുകാരും കുട്ടികള്‍ക്ക് പിന്തുണ നല്‍കുകയും പ്രവര്‍ത്തനത്തില്‍ പങ്കുചേരുകയും ചെയ്തു. പ്രഥമാധ്യാപകന്‍ ടോമി ജോസഫ്, സീഡ് കോ ഓര്‍ഡിനേറ്റര്‍ ഷാജി തോമസ്, പി.ടി.എ. പ്രസിഡന്റ് സിബി മുണ്ടയ്ക്കല്‍, മാത്തുക്കുട്ടി ചാലക്കുടി, അന്‍വര്‍ പി.എസ്., മുസ്തഫ ടി.എച്ച്., ഷിജി കെ.ജോസഫ് എന്നിവര്‍ നേതൃത്വം നല്‍കി.