താഴത്തുവടകര ഗവ. ഹയര്‍സെക്കന്‍ഡറിയില്‍ സീഡ് ക്ലബ്ബ്അംഗങ്ങള്‍ വിളവെടുപ്പ് ഉത്സവം നടത്തി
Posted By : ktmadmin On 17th September 2013
മണിമല:താഴത്തുവടകര ഗവ. ഹയര്‍സെക്കന്‍ഡറി സ്‌കൂളില്‍ മാതൃഭൂമി സീഡ് പരിസ്ഥിതി ക്ലബ്ബ് അംഗങ്ങള്‍ വെള്ളാവൂര്‍ കൃഷിഭവന്റെ സഹകരണത്തോടെ കഴിഞ്ഞവര്‍ഷം സ്‌കൂള്‍ വളപ്പില്‍ കൃഷിചെയ്ത വാഴകൃഷിയുടെ വിളവെടുപ്പ് പ്രിന്‍സിപ്പല്‍ എം. എം. റഷീദ ഉദ്ഘാടനം ചെയ്തു.
നാട്ടിന്‍പുറങ്ങളില്‍ നിന്ന് അന്യംനിന്നുകൊണ്ടിരിക്കുന്ന തദ്ദേശീയ വാഴയിനങ്ങള്‍ സംരക്ഷിക്കുന്നതിനും അവ പുതുതലമുറയ്ക്ക് പരിചയപ്പെടുത്തുന്നതിനുമായി ജനിതക ശേഖരണം ഉണ്ടാക്കുമെന്ന് സീഡ് ക്ലബ്ബ് അംഗങ്ങള്‍ തീരുമാനിച്ചു. പി.ടി.എ. പ്രസിഡന്റ് സി. എ. യൂസഫ്, സീഡ് കോ-ഓര്‍ഡിനേറ്റര്‍ എം. ജി. പ്രശാന്ത്കുമാര്‍, ജിബു കെ. ഫിലിപ്പ്, കെ. ജെ. ജോണ്‍, ജയകുമാര്‍ സി. എസ്., എ. കെ. മോഹനന്‍ എന്നിവര്‍ പങ്കെടുത്തു