തെരുവോരം വൃത്തിയാക്കി സീഡ് പോലീസ്
Posted By : tcradmin On 13th September 2013
പാവറട്ടി: പരിസരമലിനീകരണത്തിനെതിരെ പ്രതികരിക്കാനും പരിഹാരം കാണാനും ചിറ്റാട്ടുകര സെന്റ് സെബാസ്റ്റ്യന്‍സ് ഹൈസ്‌കൂളിലെ സീഡ് പോലീസ് രംഗത്ത്.
ചിറ്റാട്ടുകര തെക്കേ അങ്ങാടിക്ക് സമീപം കാക്കശ്ശേരി റോഡിനോടുചേര്‍ന്ന് മാലിന്യം തള്ളുന്നത് പതിവ് സംഭവമാണ്. ഇതുവഴി പോകുന്നവര്‍ മൂക്കു പൊത്തിയാണ് യാത്ര ചെയ്യുന്നത്.
മാതൃഭൂമി സീഡ് ക്ലബ്ബിലെ അംഗങ്ങളും സീഡ് പോലീസും ചേര്‍ന്ന് മാലിന്യങ്ങള്‍ കോരിനീക്കി മലിനീകരണത്തിനെതിരെ ബോര്‍ഡ് സ്ഥാപിച്ചു.
പഞ്ചായത്ത് അധികൃതരുടെയും പോലീസിന്റെയും സഹകരണത്തോടെ പരിസരമലിനീകരണം തടയാനും വിദ്യാര്‍ഥികള്‍ പദ്ധതി ഒരുക്കിയിട്ടുണ്ട്.
പ്രവര്‍ത്തനങ്ങള്‍ക്ക് സീഡ് പോലീസ് അംഗങ്ങളായ മേഘ്‌ന അജിത്കുമാര്‍, അമല്‍, ജാക്‌സണ്‍, അജിത്, റോഷന്‍, കീര്‍ത്തി സാഗര്‍, കൃഷേ്ണന്ദു, റോഷ്‌നി, ശില്പ സുരേഷ്, അര്‍ഷ എന്നീ വിദ്യാര്‍ഥികളും സീഡ് കോ-ഓര്‍ഡിനേറ്റര്‍ കെ.പി. ബെന്നി, മാര്‍ഗരറ്റ് ടി.ജെ., ബ്ലസി വര്‍ഗീസ്, ലീന ജോര്‍ജ്, സീന പി.ജെ., ജെസി കെ.പി., ജോസ്ബി കെ.എല്‍., ചാക്കോ പി.ടി., കെ.പി. ജോയ്, പി. സുധ എന്നിവരും നേതൃത്വം നല്‍കി.