പതാരം ശാന്തിനികേതനില്‍ മാതൃഭൂമി സീഡ് പദ്ധതി വിശദീകരണം

 പതാരം: പതാരം ശാന്തിനികേതന്‍ മോഡല്‍ ഹയര്‍ സെക്കന്‍ഡറി സ്‌കൂളില്‍ മാതൃഭൂമി സീഡ് പദ്ധതി വിശദീകരണ പരിപാടി സംഘടിപ്പിച്ചു.
സ്‌കൂള്‍ അങ്കണത്തില്‍നടന്ന പരിപാടി പ്രിന്‍സിപ്പല്‍ ആര്‍.സദാശിവന്‍ പിള്ള ഉദ്ഘാടനം ചെയ്തു. മാതൃഭൂമി സ്‌കൂള്‍ സീഡ് കോ-ഓര്‍ഡിനേറ്റര്‍ ആര്‍.ശ്രീഹരി അധ്യക്ഷനായി. കൊല്ലം വിദ്യാഭ്യാസ ജില്ലാ സീഡ് കോ-ഓര്‍ഡിനേറ്റര്‍ ഇ.കെ.പ്രകാശ് ക്ലാസ് നയിച്ചു. അധ്യാപകനായ തരിയംകുഞ്ഞ് സ്വാഗതവും പ്ലസ് വണ്‍ വിദ്യാര്‍ഥിനികളായ ശ്രീകുട്ടി യു., ഗാര്‍ഗി എന്നിവര്‍ നന്ദിയും പറഞ്ഞു.
അഞ്ചാംക്ലാസ് വിദ്യാര്‍ഥി ആദിത്യകൃഷ്ണന്‍ പ്രകൃതിയുമായി ബന്ധപ്പെട്ട കവിതകള്‍ ആലപിച്ചു. മാതൃഭൂമി സീഡ് ജില്ലാ കോ-ഓര്‍ഡിനേറ്റര്‍ ശിവപ്രസാദ്, സ്‌കൂള്‍ എന്‍.സി.സി. ഓഫീസര്‍ സുനില്‍ എന്നിവര്‍ പരിപാടിയില്‍ പങ്കെടുത്തു.