പൂയപ്പള്ളി ഗവ. ഹൈസ്‌കൂളില്‍ സീഡ് പദ്ധതി തുടങ്ങി

 പൂയപ്പള്ളി:ഗവണ്‍മെന്റ് ഹൈസ്‌കൂളില്‍ പരിസ്ഥിതി ക്ലബ്ബിന്റെയും സീഡ് യൂണിറ്റിന്റെയും ഉദ്ഘാടനം പി.ടി.എ. പ്രസിഡന്റ് എം.ബി.പ്രകാശിന്റെ അധ്യക്ഷതയില്‍ പ്രഥമാധ്യാപിക പി.കെ.പദ്മജം നിര്‍വഹിച്ചു.
സ്‌കൂളിലെ പരിസ്ഥിതി ക്ലബ്ബ് കണ്‍വീനര്‍ എസ്.മധുസൂദനന്‍ പിള്ള സ്വാഗതവും അജിത് പ്ലാക്കാട് മുഖ്യപ്രഭാഷണവും സീഡ് കോ-ഓര്‍ഡിനേറ്റര്‍ വി.റാണി നന്ദിയും പറഞ്ഞു.
പരിസ്ഥിതിമലിനീകരണം, സംരക്ഷണം എന്നീ മേഖലകളുമായി ബന്ധപ്പെട്ട ചര്‍ച്ചാ ക്ലാസ് അജിത് പ്ലാക്കാട് നയിച്ചു. സ്‌കൂളിലെ വാഴത്തോട്ടത്തിന്റെ ഉദ്ഘാടനം അജിത് പ്ലാക്കാട്, പ്രഥമാധ്യാപിക പി.കെ.പദ്മജം, പി.ടി.എ. പ്രസിഡന്റ് എം.ബി.പ്രകാശ് എന്നിവര്‍ ചേര്‍ന്ന് നിര്‍വഹിച്ചു.