കുട്ടി അധ്യാപകരെ കണ്ടെത്തി അധ്യാപകദിനാചരണം
Posted By : ktmadmin On 6th September 2013
പെരുവ:കാരിക്കോട് ഫാ. ഗീവര്‍ഗീസ് മെമ്മോറിയല്‍ വി.എച്ച്.എസ്. സ്‌കൂളിലെ അധ്യാപകദിനം വേറിട്ട അനുഭവമായി. ഓരോ ക്ലാസ്സിലും മികച്ച കുട്ടി അധ്യാപകരെ കണ്ടെത്തി അവരെ പൊന്നാടയണിയിച്ച് ആദരിച്ചുകൊണ്ടായിരുന്നു അധ്യാപകദിനാഘോഷം. കുട്ടി അധ്യാപകരുടെ മുന്നില്‍ സഹപാഠികള്‍ വിദ്യാര്‍ഥികളായി. മികച്ച കുട്ടി അധ്യാപകരെ തിരഞ്ഞെടുക്കാന്‍ സഹപാഠികളുടെ അഭിപ്രായങ്ങളും തേടി അധ്യാപകര്‍.
സ്‌കൂള്‍ ഓഡിറ്റോറിയത്തില്‍ നടന്ന അനുമോദന യോഗത്തില്‍ പ്രൊഫസര്‍ എം.എ.മേരിക്കുട്ടി അധ്യാപകദിന സന്ദേശം നല്‍കി. സ്‌കൂള്‍ മാനേജര്‍ ഫാ. ജോര്‍ജ് സി.ചാലപ്പുറം മികച്ച കുട്ടി അധ്യാപകരെ പൊന്നാടയണിയിച്ച് ആദരിച്ചു. പ്രഥമാധ്യാപകന്‍ കെ.ജെ.രാജു, സീഡ് കോ-ഓര്‍ഡിനേറ്റര്‍ ജിജോ ജോണ്‍, സ്‌കൂള്‍ ലീഡര്‍ സ്റ്റെഫിന്‍ എം.ജോണ്‍ എന്നിവര്‍ പ്രസംഗിച്ചു