ഗുരുവന്ദനം നടത്തി
Posted By : tcradmin On 6th September 2013
പാവറട്ടി: ചിറ്റാട്ടുകര സെന്റ് സെബാസ്റ്റ്യന്‍സ് ഹൈസ്‌കൂളില്‍ അധ്യാപകദിനത്തില്‍ വിരമിച്ച ഗുരുശ്രേഷ്ഠരെ ആദരിക്കലും അനുഗ്രഹം തേടലും നടത്തി. മാതൃഭൂമി സീഡ് പദ്ധതിയുടെ മാസ്റ്റര്‍ പ്രോജക്ടായ പൈതൃകം പദ്ധതിയുടെ ഭഗമായാണ് ചടങ്ങ് സംഘടിപ്പിച്ചത്. ഗുരുക്കന്‍മാര്‍ അനുഭവങ്ങള്‍ സീഡ് അംഗങ്ങള്‍ക്ക് പകര്‍ന്നുനല്‍കി. പഴയകാല വിദ്യാഭ്യാസരീതി, ജീവിതരീതി ഇവയില്‍ ഇന്നുവന്ന മാറ്റങ്ങള്‍ പുതുതലമുറയുമായി പങ്കുവെച്ചു. അധ്യാപകരെ കളഭം ചാര്‍ത്തിയും കാര്‍ഡും പൂച്ചെണ്ടും നല്‍കിയുമാണ് ആദരിച്ചത്. പ്രധാനാധ്യാപകന്‍ സി.വി. ജോണ്‍സണ്‍, സ്‌കൂള്‍ മാനേജര്‍ ഫാ. ജോണ്‍സണ്‍ ചാലിശ്ശേരി, വിദ്യാര്‍ത്ഥിപ്രതിനിധികളായ നിഖില്‍ തോമസ് എം., നമിത പി.എസ്., ചാള്‍സ് തോമസ് കെ., എയ്ഞ്ചല്‍ റോസ്, വാര്‍ഡംഗം എ.ഡി. സാജു, പി.ടി.എ. പ്രസിഡന്റ് പി.എം. ജോസഫ്, സി.ഡി. ജോസ്, ജോഷി പോള്‍ വി., കെ.ബി. ലീല, പി. സുധ, വി.സി. ഗ്രേസി എന്നിവര്‍ പ്രസംഗിച്ചു.