കൊന്നത്തടി ഗവ. യു.പി. സ്‌കൂളില്‍ സീഡ് ക്ലബ്ബ്
Posted By : idkadmin On 5th September 2013
കൊന്നത്തടി: കൊന്നത്തടി ഗവ. യു.പി. സ്‌കൂളില്‍ കാര്‍ഷിക പ്രവര്‍ത്തനങ്ങള്‍ക്കും പരിസ്ഥിതി പ്രവര്‍ത്തനങ്ങള്‍ക്കും ഊന്നല്‍ നല്‍കി സീഡ് ക്ലബ്ബിന്റെ പ്രവര്‍ത്തനം തുടങ്ങി. സ്‌കൂളിനോടുചേര്‍ന്ന് ഇതിനകം ആരംഭിച്ച മരച്ചീനി കൃഷിയിടത്തില്‍ ഇടവിളയായി പയര്‍ കൃഷിയും സമീപത്തായി പച്ചക്കറി കൃഷിയും ആരംഭിക്കുന്ന പദ്ധതിയുടെ ഉദ്ഘാടനം ഗ്രാമപ്പഞ്ചായത്ത് പ്രസിഡന്റ് മേഴ്‌സി ജോസ് നിര്‍വഹിച്ചു. സ്‌കൂള്‍ പി.ടി.എ. പ്രസിഡന്റ് സുധാകരന്‍ തേറംപറമ്പിലിന്റെ അധ്യക്ഷതയില്‍ ചേര്‍ന്ന സമ്മേളനത്തില്‍ ഹെഡ്മിസ്ട്രസ് സ്മിത കെ.ജി, മാതൃഭൂമി സെയില്‍സ് ഓര്‍ഗനൈസര്‍ കെ. സതീഷ്, സുഭാഷ് തോപ്പില്‍, പി.ഒ. പൊന്നമ്മ എന്നിവര്‍ പ്രസംഗിച്ചു.