മാതൃഭൂമി സീഡ് വിദ്യാര്‍ത്ഥികള്‍ നെല്‍കൃഷിയിറക്കി
Posted By : tcradmin On 3rd September 2013
കുന്നംകുളം: നെല്‍കൃഷി അറിയാന്‍ മരത്തംകോട് ഗവ. ഹയര്‍ സെക്കന്‍ഡറി സ്‌കൂളിലെ മാതൃഭൂമി സീഡ് വിദ്യാര്‍ത്ഥികള്‍ കൃഷിയിറക്കി. കര്‍ഷകനായ കുത്തൂര്‍ ജയിംസ് നല്‍കിയ പത്തുസെന്റ് സ്ഥലത്താണ് നെല്‍വിത്ത് ഇട്ടത്.
മികച്ച നെല്‍ക്കര്‍ഷകനുള്ള അവാര്‍ഡ് നേടിയ കൊട്ടാരപ്പാട്ട് ബാലന്‍ വിദ്യാര്‍ത്ഥികള്‍ക്ക് ക്ലാസെടുത്തു. കടങ്ങോട് പഞ്ചായത്ത് പ്രസിഡന്റ് കല്യാണി എസ്. നായര്‍ ചടങ്ങ് ഉദ്ഘാടനം ചെയ്തു. ചൊവ്വന്നൂര്‍ ബ്ലോക്ക് പഞ്ചായത്ത് അംഗം വി.വി. പ്രസാദ്, പ്രധാനാധ്യാപിക ആലിസ്, അധ്യാപകരായ കെ. വിജയന്‍, അബ്ദുള്‍ഖാദര്‍, കെ.ബി. അനില്‍, വി.എസ്. ജയദീപ്, പി.ജി. ഷൈജു തുടങ്ങിയവര്‍ പ്രസംഗിച്ചു.