വിത്തുവണ്ടിക്ക് സ്വീകരണം നല്കി

 

ഉദുമ:കൃഷിയുടെ നേരും നന്മയും പ്രചരിപ്പിക്കുന്ന വിത്തുവണ്ടിക്ക് ബേക്കല്‍ ഗവ. ഫിഷറീസ് ഹയര്‍ സെക്കന്‍ഡറി സ്‌കൂളില്‍ സ്വീകരണം നല്കി. വിദ്യാഭ്യാസവകുപ്പും കൃഷിവകുപ്പും ചേര്‍ന്ന് നടത്തുന്ന പരിപാടിക്ക് സ്‌കൂളിലെ സീഡ് ക്ലബ്ബിന്റെ നേതൃത്വത്തിലാണ് സ്വീകരണം നല്‍കിയത്. ഉദുമ ഗ്രാമപ്പഞ്ചായത്ത് പ്രസിഡന്റ് കെ.കസ്തൂരി ഉദ്ഘാടനം ചെയ്തു. പി.ടി.എ. പ്രസിഡന്റ് കെ.ചന്തു അധ്യക്ഷനായി. കൃഷി ഡെപ്യൂട്ടി ഡയറക്ടര്‍ പ്രദീപ്, അസിസ്റ്റന്റ് ഡയറക്ടര്‍ സജിനിമോള്‍, കൃഷി ഓഫീസര്‍ ജ്യോതി, ബ്ലോക്ക് പഞ്ചായത്തംഗം എ.കുഞ്ഞിരാമന്‍, വി.പ്രഭാകരന്‍, ആസിഫ്, സീഡ് കോ ഓര്‍ഡിനേറ്റര്‍ കെ.സതീഷ് എന്നിവര്‍ സംസാരിച്ചു.

പ്രഥമാധ്യാപകന്‍ പ്രേമരാജന്‍ സ്വാഗതവും സ്റ്റാഫ് സെക്രട്ടറി കെ.വി.കൃഷ്ണന്‍ നന്ദിയും പറഞ്ഞു.