കടലാസ് ശേഖരണം തുടങ്ങി
Posted By : knradmin On 31st August 2013
തലശ്ശേരി:തലശ്ശേരി സേക്രഡ് ഹാര്‍ട്ട് എച്ച്.എസ്.എസ്സിലെ സീഡ് ക്ലബ്ബിന്റെ നേതൃത്വത്തില്‍ ചവറുകടലാസ് ശേഖരണപദ്ധതി തുടങ്ങി. സമഗ്ര മാലിന്യശേഖരണ പദ്ധതിയുടെ ഭാഗമായി നടന്ന പരിപാടി മാതൃഭൂമി സീഡ് കോ ഓര്‍ഡിനേറ്റര്‍ സി.സുനില്‍കുമാര്‍ ഉദ്ഘാടനം ചെയ്തു. കടലാസ് ശേഖരണത്തിനായി ഓരോ ക്ലാസിലും പ്രത്യേക സംവിധാനമൊരുക്കി. പി.ടി.എ. പ്രസിഡന്റ് ശെല്‍വന്‍ മേലൂര്‍ അധ്യക്ഷത വഹിച്ച ചടങ്ങില്‍ പ്രഥമാധ്യാപിക സിസ്റ്റര്‍ രേഖ സ്‌കൂള്‍ സീഡ് കോ ഓര്‍ഡിനേറ്റര്‍ എത്സമ്മ, ലിസമ്മ തോമസ്, സീഡ് റിപ്പോര്‍ട്ടര്‍ ആതിര അനില്‍കുമാര്‍, നവമി ശശികുമാര്‍ എന്നിവര്‍ പങ്കെടുത്തു.