കടവത്തൂര്‍ വൊക്കേഷണല്‍ ഹയര്‍ സെക്കന്‍ഡറിയില്‍ സീഡ് ' വര്‍ണക്കൊയ്ത്ത് '
Posted By : knradmin On 31st August 2013
കടവത്തൂര്‍ :തൃപ്രങ്ങോട്ടൂര്‍ ഗ്രാമ പ്പഞ്ചായത്ത് ആദരിച്ച മികച്ച വിദ്യാര്‍ഥി കര്‍ഷകന്റെ നേതൃത്വത്തില്‍ കടവത്തൂര്‍ വൊക്കേഷണല്‍ ഹയര്‍ സെക്കന്‍ഡറിയില്‍ സീഡ് വര്‍ണക്കൊയ്ത്ത്. സ്‌കൂളിലെ സീഡ് ക്ലബംഗം കൂടിയായ വി.പി.ഇല്യാസാണ് പോസ്റ്റര്‍ വരച്ച് ഇതിന്റെ ഉദ്ഘാടനം നിര്‍വഹിച്ചത്. കഴിഞ്ഞ കര്‍ഷകദിനത്തില്‍ ഇല്ല്യാസിനെ പഞ്ചായത്ത് ആദരിച്ചിരുന്നു. മികച്ച രീതിയില്‍ കൃഷിനടത്തിയാണ് നാട്ടുകാര്‍ക്ക് മാതൃകയായത്. ഒമ്പതാം ക്ലാസുകാരനായ ഇല്ല്യാസിനൊപ്പം പത്താംക്ലാസുകാരി ഫെബിഷ ജലച്ചായ ചിത്രവും വരച്ചു.
സ്‌കൂളിലെ മാതൃഭുമി സീഡ് പ്രവര്‍ത്തനങ്ങള്‍ക്ക് ഇതോടെ വര്‍ണാഭമായ തുടക്കമായി. പ്രിന്‍സിപ്പല്‍ എ.ആമിന, സീഡ് കോ ഓര്‍ഡിനേറ്റര്‍ ഇ.ഗോവിന്ദരാജ്, സ്റ്റാഫ് സെക്രട്ടറി എം.മുരളീധരന്‍ തുടങ്ങിയവര്‍ സംബന്ധിച്ചു .