വേറിട്ട അനുഭവമായി 'വര്‍ണക്കൊയ്ത്ത്'
Posted By : knradmin On 31st August 2013
അഞ്ചരക്കണ്ടി: വര്‍ണങ്ങളും സംഗീതവും സമന്വയിപ്പിച്ച് പാതിരിയാട് കോട്ടയം രാജാസ് ഹൈസ്‌കൂളില്‍ സംഘടിപ്പിച്ച വര്‍ണക്കൊയ്ത്ത് കുട്ടികള്‍ക്ക് വേറിട്ട അനുഭവമായി.
മാതൃഭൂമി സീഡ് ക്ലബ്, വിദ്യാരംഗം കലാസാഹിത്യവേദി, സ്‌കൂള്‍ ആര്‍ട്‌സ് ക്ലബ് എന്നിവ ചേര്‍ന്നാണ് വര്‍ണക്കൊയ്ത്ത് സംഘടിപ്പിച്ചത്.
ഓണപ്പാട്ട്, കവിതാലാപനം, നാടന്‍പാട്ട്, പേപ്പര്‍ കൊളാഷ്, ചിത്രരചന, പ്രസംഗം എന്നിവയും നടത്തി. പരിപാടി വിദ്യാരംഗം കണ്‍വീനര്‍ കെ.പി.രാമചന്ദ്രന്‍ ഉദ്ഘാടനം ചെയ്തു.
സംഗീതാധ്യാപകന്‍ എ.എം.ദിലീപ്കുമാര്‍ അധ്യക്ഷത വഹിച്ചു.
ചിത്രകലാധ്യാപകന്‍ കെ.മോഹനന്‍, കെ.ഗണേശന്‍, കെ.വിനീതന്‍, പി.ടി.അസ്ഹര്‍ റഹ്മാന്‍, എ.രജനി, ജി.സുമ, കെ.കെ.മേഘ എന്നിവര്‍ സംസാരിച്ചു. സീഡ് കോ-ഓര്‍ഡിനേറ്റര്‍ കെ.ഷിജു നേതൃത്വം നല്‍കി.