മാതൃഭൂമി സീഡ് പ്രവര്‍ത്തകര്‍ കര്‍ഷകരെ ആദരിച്ചു
Posted By : klmadmin On 28th August 2013
ചാത്തന്നൂര്‍: വരിഞ്ഞം കെ.കെ.പി.എം.യു.പി. സ്‌കൂളും സീഡ് പ്രവര്‍ത്തകരും ചേര്‍ന്ന് കര്‍ഷകദിനത്തില്‍ കര്‍ഷകരെ കൃഷിയിടത്തില്‍ ചെന്ന് ആദരിച്ചു.
ഇടനാട് ഏലായിലെ ശാന്തിതീരം കൃഷി യൂണിറ്റും ഏലാ വികസനസമിതിയും ചേര്‍ന്ന് നടപ്പാക്കുന്ന 12 ഏക്കര്‍ സ്ഥലത്തെ നെല്‍ക്കൃഷി വിദ്യാര്‍ഥികള്‍ സന്ദര്‍ശിക്കുകയും ഇതിന് നേതൃത്വം നല്‍കുന്ന ശാന്തിതീരം പ്രവര്‍ത്തകരെ സ്‌കൂള്‍ ലീഡര്‍ സൂരജ് പൊന്നാടയണിയിച്ച് ആദരിക്കുകയും ചെയ്തു.
നെല്‍ക്കൃഷിയുടെ വിവിധ രീതികളെക്കുറിച്ചും വളപ്രയോഗത്തെപ്പറ്റിയും കര്‍ഷകനായ ഭാസ്‌കരന്‍ പിള്ള വിദ്യാര്‍ഥികള്‍ക്ക് വിശദീകരിച്ചുകൊടുത്തു.
പ്രഥമാധ്യാപിക ദേവികാറാണി, എസ്.ആര്‍.ജി.കണ്‍വീനര്‍ ദീപാകുമാരി, വിനോദ്, ബൈജു, ബാജി തുടങ്ങിയവര്‍ നേതൃത്വം നല്‍കി.