സീഡ് പ്രവര്‍ത്തകര്‍ നെല്‍ക്കൃഷിക്കൊരുങ്ങുന്നു
Posted By : tcradmin On 28th August 2013
കുന്നംകുളം:മരത്തംകോട് ഗവ. ഹയര്‍ സെക്കന്‍ഡറി സ്‌കൂള്‍ പരിസ്ഥിതി ക്ലബ്ബ് മാതൃഭൂമി സീഡുമായി സഹകരിച്ച് കിടങ്ങൂര്‍ പാടത്ത് നെല്‍ക്കൃഷിക്ക് നിലമൊരുക്കി. കടങ്ങോട് പഞ്ചായത്തിലെ മനക്കത്താഴം പാടശേഖരത്തിന് കീഴിലുള്ള സ്ഥലത്താണ് കൃഷിയിറക്കുന്നത്. കിടങ്ങൂര്‍ ജ്ഞാനോദയം ബാലവേദിയുമായി സഹകരിച്ച് നടത്തുന്ന ചടങ്ങ് ചൊവ്വന്നൂര്‍ ബ്ലോക്ക് പഞ്ചായത്തംഗം പി.എസ്. പ്രസാദ് ഉദ്ഘാടനം ചെയ്തു. മരത്തംകോട് ഗവ. ഹയര്‍ സെക്കന്‍ഡറി സ്‌കൂള്‍ പ്രധാനാധ്യാപിക ആലീസ്, മാതൃഭൂമി സീഡ് കണ്‍വീനര്‍ കെ. വിജയന്‍, തുടങ്ങിയവര്‍ ചടങ്ങില്‍ പങ്കെടുത്തു. മരത്തംകോട് കുത്തൂര്‍ സ്വദേശി ജെയിംസിന്റെ പത്ത് സെന്റ് സ്ഥലമാണ് കൃഷിചെയ്യാന്‍ നല്‍കിയിരിക്കുന്നത്.