പച്ചക്കറികൃഷി തുടങ്ങി
Posted By : knradmin On 22nd August 2013
മയ്യഴി:കര്‍ഷക ദിനത്തോടനുബന്ധിച്ച് കാര്‍ഷികസമൃദ്ധിയിലേക്കുള്ള ആവേശവുമായി മാഹിയില്‍ സീഡ് ക്ലബ്ബംഗങ്ങള്‍.
ഈസ്റ്റ് പള്ളൂര്‍ അവറോത്ത് ഗവ. മിഡില്‍ സ്‌കൂള്‍ സീഡ് ക്ലബ്ബംഗങ്ങള്‍ പച്ചക്കറികൃഷി തുടങ്ങി. തിരഞ്ഞെടുക്കപ്പെട്ട 10 സീഡ് ക്ലബ്ബംഗങ്ങളുടെ വീടുകളിലാണ് ഒന്നാംഘട്ടമായി അടുക്കളത്തോട്ടം നിര്‍മിക്കുന്നത്.
സീഡ് ക്ലബ് പ്രസിഡന്റ് അഭിനന്ദ് പ്രേമന്റെ വീട്ടിലാണ് അടുക്കളത്തോട്ടം തുടങ്ങിയത്. ഓരോ ആഴ്ചയിലും മൂന്നുവീതം ക്ലബ്ബംഗങ്ങളുടെ വീടുകളില്‍ തോട്ടം നിര്‍മിക്കും. പ്രഥമാധ്യാപകന്‍ എം.മുസ്തഫ, സ്‌കൂള്‍ സീഡ് കോ-ഓര്‍ഡിനേറ്റര്‍ ടി.വി.സജിത, അധ്യാപകരായ ആന്‍ഷി അരവിന്ദ്, ടി.പി.ഷൈജിത്ത്, കെ.കെ.മനീഷ്, സീഡ് ക്ലബ്ബംഗങ്ങളായ ആകാശ്, ഷാരുണ്‍, കെ.അതുല്‍, എസ്.അതുല്‍, കാവ്യ, ആദര്‍ശ്, സായന്ത്, ഷഹനാസ്, അഭിനന്ദ് പ്രേമന്‍ എന്നിവര്‍ നേതൃത്വം നല്കി.