വയക്കര ഗവ. യു.പി.യില്‍ ശലഭോദ്യാനം
Posted By : knradmin On 22nd August 2013
ശ്രീകണ്ഠപുരം: വയക്കര ഗവ. യു.പി. സ്‌കൂളിലെ ചിത്രശലഭോദ്യാനം മാതൃഭൂമി ഡെപ്യൂട്ടി എഡിറ്റര്‍ ടി.സുരേഷ്ബാബു ഉദ്ഘാടനം ചെയ്തു. ഔഷധസസ്യത്തോട്ട വികസനത്തിന്റെ ഭാഗമായുള്ള തൈ വിതരണം ടി.ഭാസ്‌കരന്‍ നിര്‍വഹിച്ചു.
നാടന്‍ ഔഷധസസ്യങ്ങളെക്കുറിച്ച് അദ്ദേഹം ക്ലാസെടുത്തു. സീഡ് കോ ഓര്‍ഡിനേറ്റര്‍ പി.വി.ശ്രീജ പദ്ധതി വിശദീകരിച്ചു.
പ്രഥമാധ്യാപകന്‍ പി.വി.വിജയന്‍ അധ്യക്ഷത വഹിച്ചു. സീഡ് കോ ഓര്‍ഡിനേറ്റര്‍ സി.സുനില്‍കുമാര്‍, സ്റ്റാഫ് സെക്രട്ടറി കെ.വത്സല, സ്‌കൂള്‍ ലീഡര്‍ പി.പി.പൂജ എന്നിവര്‍ സംസാരിച്ചു. ഇ.പി.ജയപ്രകാശ് സ്വാഗതവും എം.വി.നാരായണന്‍ നന്ദിയും പറഞ്ഞു.