വേങ്ങാട് സൗത്ത് യു.പി.സ്‌കൂളില്‍ സീഡ് പദ്ധതി തുടങ്ങി
Posted By : knradmin On 22nd August 2013
കൂത്തുപറമ്പ്:വേങ്ങാട് സൗത്ത് യു.പി.സ്‌കൂളിലെ 'സീഡ്' പദ്ധതിയുടെ ഉദ്ഘാടനം ഔഷധസസ്യം നട്ട് കൃഷി ഓഫീസര്‍ വിഷ്ണു എസ്.നായര്‍ നിര്‍വഹിച്ചു. തുടര്‍ന്ന് സീഡ് പ്രവര്‍ത്തകര്‍ നിലം ഒരുക്കി ഔഷധസസ്യങ്ങള്‍ നട്ടുപിടിപ്പിച്ചു. ചതുരമുല്ല, ചെറുതേക്ക്, പാല്‍മുതുക്, പിച്ചകം, ശതാവരി, ഗുല്‍ഗുലു, തിപ്പലി, നാഗദന്തി തുടങ്ങി 30ഓളം സസ്യങ്ങളാണ് നട്ടത്. കൃഷിഭവനില്‍നിന്ന് ലഭിച്ച വിത്തുകളും വിതരണം ചെയ്തു. സി.നാരായണന്‍ അധ്യക്ഷനായി. മുന്‍ അധ്യാപകരായ പി.കുമാരന്‍, കെ.ജാനകി, വാര്‍ഡംഗം എ.ഭാരതി, പി.ടി.എ. പ്രസിഡന്റ് കെ.ദിനേശ് ബാബു, പി.ശശി എന്നിവര്‍ സംസാരിച്ചു. പ്രഥമാധ്യാപിക കെ.രാജാമണി സ്വാഗതവും ജി.സുലോചന നന്ദിയും പറഞ്ഞു.