കര്‍ഷകനുമായി സീഡ് വിദ്യാര്‍ത്ഥികളുടെ മുഖാമുഖം
Posted By : tcradmin On 19th August 2013
ഇരിങ്ങാലക്കുട:കര്‍ഷകദിനാഘോഷത്തിന്റെ ഭാഗമായി ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് യൂണിറ്റ് കര്‍ഷകനുമായി മുഖാമുഖം പരിപാടി സംഘടിപ്പിച്ചു. ഇരിങ്ങാലക്കുട നഗരസഭയില്‍ രണ്ടുതവണ മികച്ച കര്‍ഷകനുള്ള പുരസ്‌കാരം ലഭിച്ച പി.എ. പോള്‍ തെക്കൂടനുമായിട്ടായിരുന്നു മുഖാമുഖം. തെങ്ങ്, വാഴ എന്നിവയുടെ കൃഷിരീതികളെ കുറിച്ചും അവയെ ബാധിക്കുന്ന രോഗങ്ങളെ കുറിച്ചും കുട്ടികള്‍ക്ക് മനസിലാക്കി കൊടുത്തു. വിദ്യാര്‍ത്ഥികളുടെ സംശയനിവാരണത്തിനും പോള്‍ തയ്യാറായി. പ്രിന്‍സിപ്പല്‍ മിനി സി. പരിപാടി ഉദ്ഘാടനം ചെയ്തു. സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, ബിന്ദു ഒ.കെ., അര്‍ജ്ജുന്‍, അജ്മല്‍, ശരത് എന്‍.എം., അരുള്‍ ടി.എ., മനീഷ് എന്‍., രാമനാഥന്‍ തുടങ്ങിയവര്‍ പരിപാടിക്ക് നേതൃത്വം നല്‍കി