സീഡ് പദ്ധതി വിശദീകരണവും ലോഗോ പ്രകാശനവും

 വവ്വാക്കാവ്: മാതൃഭൂമി സീഡ് പദ്ധതിയുടെ ആഭിമുഖ്യത്തില്‍ തഴവ കുതിരപ്പന്തി സെന്റ് ഗ്രിഗോറിയോസ് സെന്‍ട്രല്‍ സ്‌കൂളില്‍ സീഡ് പദ്ധതി വിശദീകരണവും വൃദ്ധസദനത്തിലേക്ക് നല്‍കാനുള്ള പിടിയരി ശേഖരണത്തിന്റെ ലോഗോ പ്രകാശനവും നടത്തി. സീനിയര്‍ പ്രിന്‍സിപ്പല്‍ മധുസൂദനന്റെ അധ്യക്ഷതയില്‍ കൂടിയ യോഗത്തില്‍ തഴവ ഗ്രാമപ്പഞ്ചായത്ത് പ്രസിഡന്റ് അഡ്വ. ആര്‍. അമ്പിളിക്കുട്ടന്‍ ലോഗോ പ്രകാശനം ചെയ്തു. സീഡ് കൊല്ലം വിദ്യാഭ്യാസ ജില്ലാ കോ-ഓര്‍ഡിനേറ്റര്‍ ഇ.കെ. പ്രകാശ്, സീഡ് എക്‌സിക്യൂട്ടീവ് ഷഫീക്ക് എന്നിവര്‍ പദ്ധതി വിശദീകരണം നടത്തി. സ്‌കൂള്‍ ട്രസ്റ്റ് അംഗം എബ്രഹാം, സീഡ് കോ-ഓര്‍ഡിനേറ്റര്‍ ദീപ, മാതൃഭൂമി പ്രതിനിധി സി. ആര്‍. പ്രഭ എന്നിവര്‍ പങ്കെടുത്തു. വൈസ് പ്രിന്‍സിപ്പല്‍ അനീഷ് സ്വാഗതവും സ്റ്റാഫ് സെക്രട്ടറി ജയശ്രീ നന്ദിയും പറഞ്ഞു.