സീഡിന്റെ നേതൃത്വത്തില്‍ ചാന്ദ്രദിനം ആചരിച്ചു
Posted By : tcradmin On 22nd July 2015
പൊറത്തിശ്ശേരി: മഹാത്മ യു.പി. സ്‌കൂളിലെ സീഡ് ക്ലബ്ബിന്റേയും സയന്‍സ് ക്ലബ്ബിന്റേയും നേതൃത്വത്തില്‍ ചാന്ദ്രദിനം ആചരിച്ചു. കുട്ടികള്‍ ചാന്ദ്രദിനവുമായി ബന്ധപ്പെട്ട വിവരങ്ങള്‍ ശേഖരിച്ച് ചുമര്‍ പത്രിക, പതിപ്പ് എന്നിവ തയ്യാറാക്കുകയും ടെലിസ്‌കോപ്പ്, സൂര്യദര്‍ശിനി എന്നിവ നിര്‍മ്മിക്കുകയും ചെയ്തു. ടെലിസ്‌കോപ്പില്‍ നക്ഷത്രനിരീക്ഷണം കുട്ടികള്‍ക്ക് കൗതുകമായി. സ്‌കൂള്‍ അസംബ്ലിയില്‍ ചാന്ദ്രദിനത്തെ കുറിച്ച് സിഡ് കോ-ഓര്‍ഡിനേറ്റര്‍ ദീപ ക്ലാസ്സെടുത്തു. അധ്യാപകരായ ലിനി, ജിജി, അന്‍പിള്ളി, വിദ്യാര്‍ത്ഥികളായ അമല്‍ ജയദേവ്, ഗോപിക, ശ്രീലക്ഷ്മി, ശ്രീപ്രിയ, കൃഷ്ണപ്രസാദ്, കൃഷ്ണ തുടങ്ങിയവര്‍ നേതൃത്വം നല്‍കി.