ഇളമണ്ണൂര്‍ സ്‌കൂളില്‍ മാതൃഭൂമി സീഡ് ക്ലബ്ബ് ലഹരിവിരുദ്ധ ബോധവത്കരണ കാമ്പയിന്‍
Posted By : ptaadmin On 21st July 2015
ഏനാദിമംഗലം: സുരക്ഷിത കലാലയം ശുചിത്വ കലാലയം എന്ന സന്ദേശമുയര്‍ത്തി ഇളമണ്ണൂര്‍ വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ മാതൃഭൂമി സീഡ് ക്ലബ്ബ് ലഹരിവിരുദ്ധ ബോധവത്കരണ കാമ്പയിന്‍ നടത്തി. കാമ്പസുകളെ ലഹരി വിമുക്തമാക്കി കുട്ടികളില്‍ നല്ല ശീലം വളര്‍ത്താനാണ് മാതൃഭൂമി സീഡ് ക്ലബ്ബും ജനമൈത്രി പോലീസും ചേര്‍ന്ന് പരിപാടി നടത്തിയത്. അടൂര്‍ സബ്ബ് ഇന്‍സ്‌പെക്ടര്‍ കെ.എസ്.ഗോപകുമാര്‍ ഉദ്ഘാടനം ചെയ്തു. ഏനാദിമംഗലം ഗ്രാമപ്പഞ്ചായത്ത് പ്രസിഡന്റ് അരുണ്‍രാജ് അധ്യക്ഷത വഹിച്ചു. ജി.ജയചന്ദ്രന്‍
ക്ലാസ്സെടുത്തു. അജു പി.തോമസ്, പി.ബി.ഉഷാദേവി, അനില്‍കുമാര്‍, ടി.രാജശ്രി, കെ.ആര്‍.ഹരീഷ്, സീഡ് കോ-ഓര്‍ഡിനേറ്റര്‍ എസ്.ദിലീപ്കുമാര്‍ എന്നിവര്‍ പ്രസംഗിച്ചു