സീഡ് ക്ലബിന്റെയും ജന്മനക്ഷത്രപാര്‍ക്കിന്റെയും ഉദ്ഘാടനം നടത്തി
Posted By : ptaadmin On 20th July 2015
വള്ളംകുളം: ഗവ.യു.പി.സ്‌കൂളിലെ ഹരിതം സീഡ് ക്ലൂബിന്റെ ഈ വര്‍ഷത്തെ പ്രവര്‍ത്തനങ്ങളുടെ ഉദ്ഘാടനം ഇരവിപേരൂര്‍ പഞ്ചായത്ത് പ്രസിഡന്റ് അഡ്വ.എന്‍.രാജീവ് നാട്ടുഫലവൃക്ഷത്തൈവിതരണം ചെയ്ത് നിര്‍വ്വഹിച്ചു. സ്‌കൂളില്‍ പുതിയതായി ആരംഭിച്ച ജന്മനക്ഷത്ര പാര്‍ക്കിന്റെ ഉദ്ഘാടനം ഗ്രീന്‍ വെയിന്‍ ആലപ്പുഴ ജില്ലാ കോ-ഓര്‍ഡിനേറ്റര്‍ റാഫി രാംനാഥ് ജന്മനക്ഷത്രത്തൈ നട്ട് നിര്‍വ്വഹിച്ചു. പി.ടി.എ. പ്രസിഡന്റ് സണ്ണി വര്‍ഗ്ഗീസ് അദ്ധ്യക്ഷത വഹിച്ചു. ഹെഡ്മാസ്റ്റര്‍ സി.ടി.വിജയാനന്ദന്‍, മാതൃഭൂമി സോഷ്യല്‍ ഇനീഷ്യേറ്റീവ്‌സ് എക്‌സിക്യുട്ടീവ് റോണി ജോണ്‍, ഗീതാ നന്ദകുമാര്‍, സീഡ് അധ്യാപക കോ-ഓര്‍ഡിനേറ്റര്‍ അന്നമ്മ ടി.ബേബി, രേഷ്മ ജി. എന്നിവര്‍ പ്രസംഗിച്ചു. തുടര്‍ന്ന് സ്‌കൂള്‍ വളപ്പില്‍ നക്ഷത്ര മരങ്ങളും നാട്ടുഫല വൃക്ഷത്തൈകളും നട്ടുപിടിപ്പിച്ചു.