മഴക്കാല പച്ചക്കറി കൃഷി തുടങ്ങി
Posted By : knradmin On 17th July 2015
പയ്യന്നൂര്‍: വെള്ളൂര്‍ ഗവ. ഹയര്‍ സെക്കന്‍ഡറി സ്‌കൂള്‍ സീഡ് ക്ലബ്ബിന്റെയും എന്‍.എസ്.എസ്. യൂണിറ്റിന്റെയും നേതൃത്വത്തില്‍ ആരംഭിച്ച പച്ചക്കറിക്കൃഷിയുടെ ഉദ്ഘാടനം സ്‌കൂള്‍ പ്രിന്‍സിപ്പല്‍ എ.ജെ.മാത്യുവിന്റെ അധ്യക്ഷതയില്‍ പയ്യന്നൂര്‍ കൃഷി ഓഫീസര്‍ സതീഷ് നിര്‍വഹിച്ചു. സ്‌കൂളിന് തൊട്ടടുത്തുള്ള 20 സെന്റ് സ്ഥലത്താണ് കൃഷി. കെ.രാജഗോപാല്‍, പ്രേമചന്ദ്രന്‍ വടക്കേടത്ത്, പ്രവീണ ടി., വിനോദ്കുമാര്‍ എം.വി., ടി.വി.സുരേഷ്, കൃഷി അസിസ്റ്റന്റ് ശശി എന്നിവര്‍ സംസാരിച്ചു.