വെളിയത്ത് വീട്ടില്‍ ഒരു പച്ചക്കറിത്തോട്ടം
Posted By : klmadmin On 6th August 2013
വെളിയം: വെളിയം കൃഷിഭവന്റെയും ടി.വി.ടി.എം.എച്ച്.എസ്.എസ്. സീഡ് ക്ലബിന്റെയും ആഭിമുഖ്യത്തില്‍ വീട്ടില്‍ ഒരു പച്ചക്കറിത്തോട്ടം പദ്ധതിക്ക് തുടക്കമായി. പച്ചക്കറിവിത്തുകള്‍ കൃഷി ഓഫീസര്‍ രഞ്ജിത്ത് എസ്. സീഡ് വിദ്യാര്‍ഥികള്‍ക്ക് നല്‍കി ഉദ്ഘാടനം നിര്‍വഹിച്ചു. ചടങ്ങില്‍ പി.ടി.എ. പ്രസിഡന്റ് അശോകന്‍ അധ്യക്ഷത വഹിച്ചു. പ്രധാനാധ്യാപകന്‍ മുരളി സ്വാഗതം പറഞ്ഞു. മാതൃഭൂമി സീഡ് വിദ്യാഭ്യാസ ജില്ലാ കോ-ഓര്‍ഡിനേറ്റര്‍ ഇ.കെ.പ്രകാശ്, സീഡ് എക്‌സിക്യൂട്ടീവ് കെ.വൈ.ഷെഫീക്ക് എന്നിവര്‍ പദ്ധതിയെക്കുറിച്ച് വിശദീകരിച്ചു. അധ്യാപകരായ പി.വര്‍ഗ്ഗീസ്, അനൂപ്, ശോഭനകുമാരി എന്നിവര്‍ ആശംസകളര്‍പ്പിച്ചു. സ്‌കൂള്‍ സീഡ് കോ-ഓര്‍ഡിനേറ്റര്‍ രാജേശ്വരി രാജേന്ദ്രന്‍ നന്ദിയും പറഞ്ഞു.