നാട്ടുമാവിന്‍തൈകള്‍ നട്ട് വിദ്യാര്‍ഥികള്‍
Posted By : knradmin On 17th July 2015
കോയ്യോട്: അന്യമായിക്കൊണ്ടിരിക്കുന്ന നാട്ടുമാങ്ങകളുടെ മധുരം കാത്തുസൂക്ഷിക്കാനും പ്രകൃതിയെ പച്ചപ്പട്ടണിയിക്കാനുമായി കോയ്യോട് മദ്രസ യു.പി. സ്‌കൂളിലെ കുട്ടികള്‍ക്ക് നാട്ടുമാവുകള്‍ വിതരണം ചെയ്തു. സ്‌കൂളിലെ സീഡ് ക്ലബ്ബാണ് പരിപാടി സംഘടിപ്പിച്ചത്. അവധിക്കാലത്ത് കുട്ടികള്‍ കഴിച്ച വ്യത്യസ്ത നാട്ടുമാങ്ങകളുടെ വിത്തുകളാണ് മുളപ്പിച്ചത്. സ്‌കൂളിലെ പ്രഥമാധ്യാപകന്‍ മുഹമ്മദ് അസ്ലം പരിപാടി ഉദ്ഘാടനം ചെയ്തു. സീഡ് കോ ഓര്‍ഡിനേറ്റര്‍ ശ്രീജിത്ത് അധ്യക്ഷത വഹിച്ചു. മുഹമ്മദ് റിയാസ്, ശാന്തകുമാരി, ഫസ്‌ന ഹിരണ്‍ എന്നിവര്‍ സംസാരിച്ചു.