കര്‍ക്കടകത്തെ വരവേല്‍ക്കാന്‍ സീഡിന്റെ ദശപുഷ്പത്തോട്ടം

എടതിരിഞ്ഞി: കര്‍ക്കടകമാസത്തെ വരവേറ്റ് എടതിരിഞ്ഞി എച്ച്.ഡി.പി. സമാജം ഇംഗ്ലീഷ് മിഡിയം സ്‌കൂള്‍ സിഡ് യൂണിറ്റിന്റെ നേതൃത്വത്തില്‍ സ്‌കൂള്‍ മുറ്റത്ത് പുഷ്പത്തോട്ടമൊരുക്കി. സമാജം വൈസ് പ്രസിഡന്റ് ദിനചന്ദ്രന്‍ ഉദ്ഘാടനം ചെയ്തു. പി.ടി.എ. പ്രസിഡന്റ് സുഭാഷ് ചന്ദ്രന്‍ അദ്ധ്യക്ഷനായി.
അധ്യാപകരും കുട്ടികളും ശേഖരിച്ചുകൊണ്ടുവന്ന ദശപുഷ്പങ്ങള്‍ തരം തിരിച്ചായിരുന്നു തോട്ടം നിര്‍മ്മാണം. കോ-ഓര്‍ഡിനേറ്റര്‍ പി. ശ്രീദേവി ദശപുഷ്പങ്ങളെക്കുറിച്ചും ഔഷധ പ്രാധാന്യത്തെക്കുറിച്ചും വിശദീകരിച്ചു. ദശപുഷ്പങ്ങളുടെ ഔഷധ പ്രാധാന്യം വ്യക്തമാക്കുന്ന ചാര്‍ട്ടുകളുടെ പ്രദര്‍ശനവും ഉണ്ടായിരുന്നു. പ്രിന്‍സിപ്പല്‍ ടി.ജെ. ബിനി, മറ്റ് അദ്ധ്യാപകര്‍, രക്ഷിതാക്കള്‍, സമാജം ഭാരവാഹികള്‍ എന്നിവരും ചടങ്ങില്‍ പങ്കെടുത്തു.