ലഹരിവിരുദ്ധദിനം ആചരിച്ചു
Posted By : klmadmin On 15th July 2015
കൊല്ലം: വെസ്റ്റ് കൊല്ലം ഗവ. ഹൈസ്‌കൂളില്‍ സീഡ് ക്ലബ്ബിന്റെ നേതൃത്വത്തില്‍ ലഹരിവിരുദ്ധദിനം ആചരിച്ചു.
ദിനാചരണത്തിന്റെ ഭാഗമായി ലഹരിവിരുദ്ധ റാലിയും ബോധവത്കരണ ക്ലാസും നടത്തി. യു.പി., ഹൈസ്‌കൂള്‍, ഹയര്‍ സെക്കന്‍ഡറി വിദ്യാര്‍ഥികള്‍ പങ്കെടുത്തു. ലഹരിവസ്തുക്കള്‍ ഉപയോഗിക്കുന്നതിനെതിരേ പോസ്റ്റര്‍ പ്രദര്‍ശനവും ഉണ്ടായിരുന്നു.
ഹൈസ്‌കൂള്‍ പ്രഥമാധ്യാപിക ബീന എസ്., ഹയര്‍ സെക്കന്‍ഡറി പ്രിന്‍സിപ്പല്‍ ലീലാമേരി, സീഡ് ടീച്ചര്‍ കോഓര്‍ഡിനേറ്റര്‍ മുംതാസ് എം. എന്നിവര്‍ റാലിക്ക് നേതൃത്വം നല്‍കി. ലഹരിവസ്തുക്കള്‍ ഉപയോഗിച്ചാലുണ്ടാകുന്ന ആരോഗ്യപ്രശ്‌നങ്ങളെക്കുറിച്ച് എ.എസ്.ഐ. ഉദയകുമാര്‍ ക്ലാസെടുത്തു.