മാതൃഭൂമി സീഡ് അധ്യാപക പരിശീലനം നടത്തി
Posted By : Seed SPOC, Alappuzha On 14th July 2015
മാവേലിക്കര: മാതൃഭൂമി സീഡിന്റെ പുതിയ അധ്യയനവര്‍ഷത്തെ പ്രവര്‍ത്തനങ്ങള്‍ക്കുള്ള അധ്യാപക പരിശീലനം മാവേലിക്കര വിദ്യാഭ്യാസ ജില്ലയില്‍ നടത്തി. അമ്പലപ്പുഴ ബി.ഡി.ഒ. ആര്‍.വേണുഗോപാല്‍, മികച്ച സീഡ് ടീച്ചര്‍ കോഓര്‍ഡിനേറ്ററും ഗ്രീന്‍ വെയ്ന്‍ ജില്ലാ കോഓര്‍ഡിനേറ്ററുമായ റാഫി രാമനാഥ്, മാതൃഭൂമി സീനിയര്‍ സബ് എഡിറ്റര്‍ സംജദ് നാരായണന്‍ എന്നിവര്‍ ക്ലാസ് നയിച്ചു.
മാവേലിക്കര നഗരസഭാ ടൗണ്‍ഹാളില്‍ നടന്ന യോഗത്തില്‍ മാതൃഭൂമി ആലപ്പുഴ യൂണിറ്റ് മാനേജര്‍ സി.സുരേഷ്‌കുമാര്‍ അധ്യക്ഷനായി. മാതൃഭൂമി ന്യൂസ് എഡിറ്റര്‍ എസ്.പ്രകാശ്, സീഡ് ജില്ലാ എക്‌സിക്യൂട്ടീവ് അമൃത സെബാസ്റ്റ്യന്‍ തുടങ്ങിയവര്‍ പ്രസംഗിച്ചു.