പള്ളിപ്രം സ്‌കൂളില്‍ ചക്കമഹോത്സവം
Posted By : knradmin On 11th July 2015
കണ്ണൂര്‍: പള്ളിപ്രം യു.പി. സ്‌കൂള്‍ സീഡ് ക്ലബ്ബിന്റെ ജൈവവൈവിധ്യ പ്രവര്‍ത്തനങ്ങളുടെ ഭാഗമായി ചക്കമഹോത്സവം നടത്തി. മാതൃഭൂമി സീഡ് കോ ഓര്ഡിനേറ്റര് സി.സുനില്‍കുമാര്‍ ഉദ്ഘാടനം ചെയ്തു. പി.ടി.എ. പ്രസിഡന്റ് ഷമീര്‍ പള്ളിപ്രം അധ്യക്ഷത വഹിച്ചു. മുന്‍പ്രഥമാധ്യാപകന്‍ പി.എ.പദ്മനാഭന്‍ വിദ്യാര്‍ഥികള്‍ക്ക് പുഴുങ്ങിയ ചക്കക്കുരു നല്‍കി. സ്‌കൂള്‍ ലീഡര്‍ യദുകൃഷ്ണന്‍ ഏറ്റുവാങ്ങി. പ്രഥമാധ്യാപിക ജീജ, അധ്യാപകരായ കെ.ജയകൃഷ്ണന്‍, കെ.സീത, പി.ബിന്ദു, സ്‌കൂള്‍ സീഡ് കോ ഓര്ഡിനേറ്റര് പി.പരീത് എന്നിവര്‍ പ്രസംഗിച്ചു.