വൃക്ഷത്തൈകള്‍ നല്‍കി നവാഗതര്‍ക്ക് സ്വാഗതം
Posted By : pkdadmin On 10th July 2015
ഒറ്റപ്പാലം: പ്ലസ്വണ്‍ പഠനത്തിനായി പുതിയവിദ്യാലയത്തിലേക്ക് കടന്നുവന്നവര്‍ക്ക് ഹരിതാഭയാര്‍ന്ന സ്വീകരണം. കടമ്പൂര്‍ ഗവ. ഹയര്‍സെക്കന്‍ഡറി സ്‌കൂളിലാണ് ഓരോ വൃക്ഷത്തൈകള്‍ നല്‍കി വിദ്യാര്‍ഥികളെ സ്വീകരിച്ചത്. മണ്ണും വായുവും ജലവും സംരക്ഷിക്കുക, മരമാണ് മറുപടി എന്ന സന്ദേശമുയര്‍ത്തിയാണ് പരിപാടി സംഘടിപ്പിച്ചത്.
അംബികാസുതന്‍ മാങ്ങാടിന്റെ പ്രാണവായു കഥാവായനയുമുണ്ടായി. സീഡ് ക്ലബ്ബും എന്‍.എസ്.എസ്. യൂണിറ്റും ചേര്‍ന്നാണ് വരവേല്‌പൊരുക്കിയത്. പി.ടി.എ. പ്രസിഡന്റ് എം. മുരളീധരന്‍ ഉദ്ഘാടനം ചെയ്തു. പ്രിന്‍സിപ്പല്‍ വി. വേണുഗോപാല്‍, പ്രധാനാധ്യാപിക കെ. വത്സല, എന്‍.എസ്.എസ്. പ്രോഗ്രാം ഓഫീസര്‍ എം. സിന്ധു, സീഡ് കോ-ഓര്‍ഡിനേറ്റര്‍ കെ. സതീഷ് കുമാര്‍ എന്നിവര്‍ പ്രസംഗിച്ചു.