സീഡ് വിദ്യാര്‍ത്ഥികള്‍ നടത്തിയ ഔഷധസസ്യപ്രദര്‍ശനം ശ്രദ്ധേയമായി
Posted By : tcradmin On 6th August 2013
ഇരിങ്ങാലക്കുട: ഇരിങ്ങാലക്കുട നാഷണല്‍ ഹയര്‍സെക്കന്‍ഡറി സ്‌കൂളിലെ സീഡ്- എന്‍.എസ്.എസ്. വിദ്യാര്‍ത്ഥികള്‍ നടത്തിയ ഔഷധസസ്യപ്രദര്‍ശനം ശ്രദ്ധേയമായി. കര്‍ക്കടകമാസാചരണത്തിന്റെ ഭാഗമായിട്ടാണ് പരിപാടി സംഘടിപ്പിച്ചത്. ഔഷധ സസ്യങ്ങളുടെ പേരുകള്‍, ശാസ്ത്രനാമം, ഗുണങ്ങള്‍ എന്നിവ എഴുതി പ്രദര്‍ശിപ്പിച്ചു. പ്രദര്‍ശനത്തിന്റെ ഭാഗമായി ക്വിസ് മത്സരവും പവര്‍ പോയിന്റ് അവതരണവും നടത്തി. പ്രിന്‍സിപ്പല്‍ മിനി, സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, നരേന്ദ്രന്‍ എ, ഗീത ടി, സി. കമലം, ജയശങ്കര്‍, സുദേവ്, വിനോദ്, നൂറിന്‍ റിയ, ഐസക്ക് ചാക്കേരി, വിഷ്ണു കെ.എസ്, സഫാന, സംഗീത, രാമനാഥന്‍, ദേവപ്രിയ തുടങ്ങിയവര്‍ പരിപാടിക്ക് നേതൃത്വം നല്‍കി.