തിരുവില്വാമല ഗവ. ഹൈസ്‌കൂളില്‍ പരിസ്ഥിതി സൗഹൃദ കാരിബാഗുകളുടെ നിര്‍മ്മാണം
Posted By : tcradmin On 8th July 2015
തിരുവില്വാമല: ഗവ. ഹൈസ്‌കൂളില്‍ പ്ലാസ്റ്റിക് നിര്‍മ്മാര്‍ജ്ജന സന്ദേശവുമായി വിദ്യാര്‍ത്ഥികളുടെ പരിസ്ഥിതിസൗഹൃദ കാരിബാഗുകളുടെ നിര്‍മ്മാണം ശ്രദ്ധേയമാകുന്നു. മാതൃഭൂമി സീഡ് ക്ലബ്ബംഗങ്ങളുടെ നേതൃത്വത്തിലാണ് ബാഗുകള്‍ നിര്‍മ്മിക്കുന്നത്. അധ്യാപിക ശാന്തയാണ് വിദ്യാര്‍ത്ഥികള്‍ക്ക് പരിശീലനം നല്‍കി ബാഗ് നിര്‍മ്മാണത്തിന് നേതൃത്വം നല്‍കുന്നത്. നിര്‍മ്മിച്ച ബാഗുകളുടെ പ്രദര്‍ശനവും ഉണ്ടായി. പരിസ്ഥിതി കാരിബാഗ് യൂണിറ്റിന്റെ ഉദ്ഘാടനം പ്രധാനാധ്യാപിക കെ.ആര്‍. ഗീത നിര്‍വ്വഹിച്ചു. പ്രിന്‍സിപ്പല്‍ ജയശങ്കര്‍ അധ്യക്ഷനായി. സീഡ് കോ-ഓര്‍ഡിനേറ്റര്‍ ബിന്ദു, പ്രഭാകരന്‍, പി. വേണു എന്നിവര്‍ പ്രസംഗിച്ചു.