പ്രഭാപുരം കരുണ ഹൈസ്‌കൂളില്‍ സീഡ് പദ്ധതി തുടങ്ങി
Posted By : pkdadmin On 8th July 2015
പട്ടാമ്പി: ഇറാം ഗ്രൂപ്പിന്റെ പ്രഭാപുരം കരുണ ഹൈസ്‌കൂളില്‍ (എം.എം.പി.എസ്.) മാതൃഭൂമി സീഡ് പദ്ധതിക്ക് തുടക്കമായി. കൊപ്പം കൃഷി ഓഫീസര്‍ ഭാസ്‌കരന്‍ ഉദ്ഘാടനം ചെയ്തു. ടി.ടി.ഐ. വിദ്യാര്‍ഥികളുടെ നേതൃത്വത്തില്‍ നടക്കുന്ന യങ് ഫാര്‍മേഴ്‌സ് ക്ലബ്ബില്‍ യു.പി, ഹൈസ്‌കൂള്‍, ഹയര്‍സെക്കന്‍ഡറി വിദ്യാര്‍ഥികളും അംഗങ്ങളായിട്ടുണ്ട്.
ചടങ്ങില്‍ നടന്ന കാര്‍ഷിക ബോധവത്കരണക്ലാസിന് കര്‍ഷകന്‍ ലുഖ്മാന്‍ വിളയൂര്‍, ഉണ്ണിക്കൃഷ്ണന്‍ എന്നിവര്‍ നേതൃത്വം നല്‍കി. സീഡ് കോ-ഓര്‍ഡിനേറ്റര്‍ അനില്‍കുമാര്‍ അധ്യക്ഷനായി. മാനേജര്‍ അബ്ദുള്‍ സമദ്, സി.ഇ.ഒ. മനോഹര്‍ വര്‍ഗീസ്, ടി.ടി.ഐ. പ്രിന്‍സിപ്പല്‍ വിജി ജയപ്രകാശ്, ഹെഡ്മാസ്റ്റര്‍ സാം കുട്ടി, ഹയര്‍സെക്കന്‍ഡറി പ്രിന്‍സിപ്പല്‍ സൈഫുദ്ധീന്‍, ശിവരാജ്, ശ്രുതി, ഹരിത എന്നിവര്‍ സംസാരിച്ചു.