വൃക്ഷത്തൈകള്‍ നട്ട് 'സീഡ്' ക്‌ളബ് ഉദ്ഘാടനം
Posted By : knradmin On 4th July 2015
പഴയങ്ങാടി: ഔഷധത്തോട്ടവും കണ്ടല്‍ച്ചെടികളും നട്ട് സീഡ് ക്‌ളബ് ഉദ്ഘാടനം. കൊട്ടില ഗവ. ഹയര്‍ സെക്കന്‍ഡറി സ്‌കൂളിലാണ് വൈവിധ്യമാര്‍ന്ന പരിപാടികളോടെ ക്‌ളബ്ബിന്റെ ഉദ്ഘാടനം നടത്തിയത്. മൂന്നേക്കറിലധികംവരുന്ന ജൈവവൈവിധ്യ പാര്‍ക്കില്‍ നക്ഷത്രവനവും കുട്ടിവനവും ഔഷധത്തോട്ടവും ഒരുക്കാനുള്ള വൃക്ഷത്തൈകള്‍ നട്ടതിനുപുറമെ രാമപുരം പുഴയില്‍ കണ്ടല്‍ത്തൈകളും വെച്ചുപിടിപ്പിച്ചു. േസാഷ്യല്‍ ഫോറസ്ട്രി വകുപ്പിന്റെ സഹായത്തോടെ ഇരുന്നൂറിലധികം വൃക്ഷത്തൈകളാണ് സീഡ് അംഗങ്ങള്‍ നട്ടത്. വൃക്ഷത്തൈനടീല്‍ പ്രഥമാധ്യാപകന്‍ വി.ഗോപിനാഥനും കര്‍ഷകന്‍ കുഞ്ഞിരാമനും ചേര്‍ന്ന് നിര്‍വഹിച്ചു. എ.നാരായണന്‍ നേതൃത്വം നല്കി.