ചൊവ്വള്ളൂര്‍ സെന്റ് ജോര്‍ജ്‌സ് സ്‌കൂളില്‍ സീഡ് പദ്ധതി തുടങ്ങി
Posted By : klmadmin On 5th August 2013
എഴുകോണ്‍: ചൊവ്വള്ളൂര്‍ സെന്റ് ജോര്‍ജസ് വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ മാതൃഭൂമി സീഡിന്റെ തുടര്‍ പ്രവര്‍ത്തനോദ്ഘാടനം കൊട്ടാരക്കര ബ്ലോക്ക് പഞ്ചായത്ത് പ്രസിഡന്റ് ഷൈലാ സലീം ലാല്‍ നിര്‍വഹിച്ചു.
പി.ടി.എ. പ്രസിഡന്റ് ജി.തുളസീധരന്‍ പിള്ള അധ്യക്ഷത വഹിച്ചു. മാതൃഭൂമി പ്രതിനിധി ഇ.കെ.പ്രകാശ് പരിസ്ഥിതി പ്രതിജ്ഞ ചൊല്ലിക്കൊടുത്തു. ഗ്രാമപ്പഞ്ചായത്തംഗങ്ങളായ ജി.ജോര്‍ജ്കുട്ടി, ഐ.സതികുമാരി, കരീപ്ര കൃഷി ഓഫീസര്‍ രാജന്‍ ബാബു, ഹെഡ്മിസ്ട്രസ് സൂസന്‍ ഫിലിപ്പ്, എ.കെ.സന്തോഷ് ബേബി, മിനി കോശി, ഷാലു ജോണ്‍, ഷേര്‍ളി അലക്‌സ് എന്നിവര്‍ സംസാരിച്ചു.
പ്രിന്‍സിപ്പല്‍ സി.ടി.തോമസ് സ്വാഗതവും സീഡ് കോ-ഓര്‍ഡിനേറ്റര്‍ എ.സുരേഷ് കുമാര്‍ നന്ദിയും പറഞ്ഞു. മരം ഒരു വരം പദ്ധതിയുടെ ഭാഗമായുള്ള വൃക്ഷത്തൈ വിതരണവും പരിസ്ഥിതി ക്ലബിന്റെ ഉദ്ഘാടനവും ചടങ്ങില്‍ നടന്നു. സ്‌കൂളിലെ എന്‍.എസ്.എസ്. യൂണിറ്റ്, സ്‌കൗട്ട്‌സ് ആന്‍ഡ് ഗൈഡ്‌സ്, റെഡ്‌ക്രോസ് പ്രവര്‍ത്തകരും ചടങ്ങില്‍ പങ്കെടുത്തു.