കടന്പൂര്‍ സ്‌കൂളില്‍ നക്ഷത്രവനം
Posted By : pkdadmin On 3rd July 2015
അമ്പലപ്പാറ: നക്ഷത്രങ്ങളെ പ്രതിനിധാനംചെയ്യുന്ന വൃക്ഷത്തൈകള്‍ നട്ട് കടമ്പൂര്‍ ഗവ. ഹയര്‍സെക്കന്‍ഡറി സ്‌കൂള്‍ നക്ഷത്രവനം ഒരുക്കുന്നു. 27 നക്ഷത്രങ്ങളുടെ പേരില്‍ അറിയപ്പെടുന്ന വൃക്ഷത്തൈകളാണ് ഈ വനത്തില്‍ ഒരുങ്ങുന്നത്.
സ്‌കൂളിലെ ജാഗ്രത സീഡ് ക്ലബ്ബ് വനംവകുപ്പിന്റെ സാമൂഹ്യ വനവത്കരണ വിഭാഗത്തിന്റെ സഹകരണത്തോടെയാണ് പദ്ധതി നടപ്പാക്കുന്നത്. സ്‌കൂളിലെ ഹരിതസേനയും എന്‍.എസ്.എസ്സും പങ്കാളികളായ പദ്ധതി പഞ്ചായത്ത് പ്രസിഡന്റ് പ്രീത മോഹന്‍ദാസ് ഉദ്ഘാടനം ചെയ്തു.
കടമ്പൂരിന്റെ സ്ഥലനാമ ചരിത്രവുമായി ബന്ധപ്പെട്ട കടമ്പ് വൃക്ഷത്തൈ നട്ടായിരുന്നു ഉദ്ഘാടനം. സീഡ് കോ-ഓര്‍ഡിനേറ്റര്‍ കെ. സതീഷ് കുമാര്‍, ഹരിതസേന കോ-ഓര്‍ഡിനേറ്റര്‍ എ.പി. കൊണ്ടല്‍വര്‍ണന്‍, പ്രിന്‍സിപ്പല്‍ കെ.കെ. പ്രസന്ന, പ്രധാനാധ്യാപിക കെ. വത്സല, പി. ഗിരിജ, കെ.ടി. ബൈജു, എം. സിന്ധു, എം. മുരളീധരന്‍ എന്നിവര്‍ സംസാരിച്ചു.