സീഡ് ക്ലബ് ലഹരിവിരുദ്ധ സൈക്കിള്‍ റാലി നടത്തി
Posted By : Seed SPOC, Alappuzha On 1st July 2015
ആലപ്പുഴ: ലഹരിവിരുദ്ധ ദിനാചരണത്തിന്റെ ഭാഗമായി തത്തംപള്ളി സെന്റ് മൈക്കിള്‍സ് ഹൈസ്‌കൂള്‍ സീഡ് ക്‌ളബ്ബിന്റെ നേതൃത്വത്തില് റാലി നടത്തി. ലഹരിവിരുദ്ധ സന്ദേശങ്ങളടങ്ങിയ ലഘുലേഖ വിതരണം, ലഘു നാടകം, തുടങ്ങിയവയുമുണ്ടായി. തോണ്ടംകുളങ്ങര, ജില്ലാ കോടതി, ബോട്ടുജെട്ടി, ഫിനിഷിങ് പോയിന്റ് എന്നീ കേന്ദ്രങ്ങളിലൂടെ നഗരം ചുറ്റി നടന്ന റാലി പൊതുജനങ്ങളോട് ലഹരി ഉപേക്ഷിക്കാന്‍ അഭ്യര്‍ഥിച്ചു. ജില്ലാ പോലീസ് ചീഫ് വി. സുരേഷ് കുമാര്‍ റാലി ഫ്‌ലാഗ് ഓഫ് ചെയ്തു. സ്‌കൂള്‍ മാനേജര്‍ ഫാ. ജോസഫ് ചൂലപ്പറമ്പില്‍ അധ്യക്ഷത വഹിച്ചു. ഹെഡ്മാസ്റ്റര്‍ സിബി മുക്കാടന്‍, മൈക്കിള്‍ ജോണ്‍, ലാലിച്ചന്‍ ജോസഫ്, ബാബു വര്‍ഗീസ് എന്നിവര്‍ സംസാരിച്ചു. റാലിക്ക് മാത്യു ജോസഫ്, കെ.സി. ജേക്കബ്, ജിനോ ജോസഫ്, സബീഷ് വര്‍ഗീസ്, ജയിന്‍ ജോസ്, ലൂസമ്മ ജോസഫ് തുടങ്ങിയവര്‍ നേതൃത്വം നല്‍കി.