മുറ്റത്തൊരു മൂവാണ്ടന്‍
Posted By : tcradmin On 18th June 2015
ചാവക്കാട്: തണലും താങ്ങുമാവാന്‍ മണത്തല ഗവ.ഹയര്‍സെക്കന്‍ഡറി സ്‌കൂളില്‍ സീഡ് അംഗങ്ങളായ 50 പേര്‍ക്ക് മൂവാണ്ടന്‍ മാവിന്‍ തൈകള്‍ വിതരണം ചെയ്തു. വിതരണോദ്ഘാടനം വാര്‍ഡ് അംഗം പി.കെ. അബ്ദുള്‍ കലാം നിര്‍വഹിച്ചു. പ്രധാനാധ്യാപിക ഒ.കെ. സതി, പ്രിന്‍സിപ്പല്‍ പി.പി. മറിയക്കുട്ടി, എം.വി. മനോജ്്്, സീഡ് കോ-ഓര്‍ഡിനേറ്റര്‍ എ.എസ്. രാജു എന്നിവര്‍ പ്രസംഗിച്ചു.
സ്‌കൂളിലെ ഹിന്ദി അധ്യാപിക ലൂസിയാണ് സീഡ് ക്ലബ്ബിനുവേണ്ടി മൂവാണ്ടന്‍ തൈകള്‍ മുളപ്പിച്ചു നല്‍കിയത്. സ്‌കൂള്‍ ഗ്രൗണ്ടിലും തൈകള്‍ നട്ടു. സീഡ്ക്ലബ് പരിപാലിക്കുന്ന നേന്ത്രവാഴത്തോട്ടത്തിലെ വിളവെടുപ്പും മത്തന്‍, പച്ചമുളക്, വഴുതന എന്നിവയുടെ വിളവെടുപ്പും നടന്നു.