കാടാങ്കുനി യു.പി.യില്‍ കാര്‍ഷികവിളവെടുപ്പ്
Posted By : knradmin On 23rd March 2015
ചൊക്‌ളി: അണിയാരം കാടാങ്കുനി യു.പി.യില്‍ കാര്‍ഷികവിളവെടുപ്പ് ഉദ്ഘാടനം മന്ത്രി കെ.പി.മോഹനന്‍ നിര്‍വഹിച്ചു. പഞ്ചായത്ത് പ്രസിഡന്റ് ഷീനാ ഭാസ്‌കരന്‍ അധ്യക്ഷതവഹിച്ചു. ദേശീയ ഹരിതസേന, കാര്‍ഷിക ക്ലബ്, മാതൃഭൂമി സീഡ് ക്ലബ്ബ് എന്നിവയുടെ നേതൃത്വത്തിലാണ് 40 സെന്റ് സ്ഥലത്ത് പച്ചക്കറിക്കൃഷി നടത്തുന്നത്.
കൃഷിയിടത്തില്‍ കാബേജ്, കോളിഫ്‌ലവര്‍, വെണ്ട, ചീര, പൊട്ടിക്ക, വെള്ളരി, കക്കിരി, വഴുതന, പച്ചമുളക്, മുള്ളങ്കി, നിലക്കടല എന്നിവ കൃഷി ചെയ്യുന്നുണ്ട്. ഉച്ചഭക്ഷണത്തിന് ഉപയോഗിച്ചതിനുശേഷമുള്ള വിളകള്‍ വിദ്യാര്‍ഥികള്‍ക്ക് വിതരണം ചെയ്യുന്നുണ്ട്. കാര്‍ഷിക ക്ലബ് അംഗങ്ങളായ ഷഫ, ഫാത്തിമ, അമൃത, അമയ, ശ്രീലക്ഷ്മി, നദ, അമയ, അനഘ, അമല്‍, അനഘ, ശ്രീനന്ദ്, അമര്‍നാഥ്, കാവ്യ, അര്‍ഷ, സാന്ദ്ര എന്നിവരാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്