ഊര്‍ജ്ജ സംരക്ഷണത്തിന് സീഡിനൊപ്പം എന്‍.സി.സി. യൂണിറ്റും
Posted By : tcradmin On 11th February 2015
ഇരിങ്ങാലക്കുട: ഊര്‍ജ്ജസംരക്ഷണ പ്രവര്‍ത്തനങ്ങള്‍ക്ക് സീഡിനൊപ്പം എന്‍.സി.സി. യൂണിറ്റും പങ്കുചേര്‍ന്നു. ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് യൂണിറ്റും എന്‍.സി.സി. യൂണിറ്റും ചേര്‍ന്ന് യു.പി., ഹൈസ്‌കൂള്‍ വിഭാഗങ്ങളില്‍ തിരഞ്ഞെടുക്കപ്പെട്ട ബി.പി.എല്‍. കുട്ടികള്‍ക്ക് എല്‍.ഇ.ഡി. ബള്‍ബുകള്‍ നല്‍കി. വൈദ്യുതി ലാഭിക്കാന്‍ സാധിക്കുന്നതും പരിസ്ഥിതിക്ക് ദോഷമില്ലാത്തതുമായ എല്‍.ഇ.ഡി. ബള്‍ബുകള്‍ പ്രചരിപ്പിക്കുകയെന്ന ലക്ഷ്യത്തോടെയാണ് പരിപാടി നടത്തിയത്. എന്‍.സി.സി. ഓഫീസര്‍ കെ.എം. കുട്ടപ്പന്‍ വിദ്യാര്‍ത്ഥികള്‍ക്ക് എല്‍.ഇ.ഡി. ബള്‍ബുകള്‍ നല്‍കി പരിപാടി ഉദ്ഘാടനം ചെയ്തു. സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, അദിത് പി., സുദേവ്, ഹിജാസ്, ഷിബില്‍, സൗരവ്, അള്‍ത്താഫ്, അഭിരാമി, സ്‌നേഹ എന്നിവര്‍ നേതൃത്വം നല്‍കി.