സീഡ് യൂണിറ്റ് ആയുര്‍വേദ മെഡിക്കല്‍ ക്യാമ്പ്
Posted By : klmadmin On 5th February 2015
ആയുര്‍വേദ മെഡിക്കല്‍ ക്യാമ്പ് സ്‌കൂള്‍ വികസനസമിതി
ചെയര്‍മാന്‍ കെ.ശിവദാസന്‍ ഉദ്ഘാടനം ചെയ്യുന്നു
ചടയമംഗലം: ഗവ. എം.ജി. ഹയര്‍ സെക്കന്‍ഡറി സ്‌കൂളില്‍ സീഡ് യൂണിറ്റ് ആയുര്‍വേദ മെഡിക്കല്‍ ക്യാമ്പ് നടത്തി.
അക്കോണം മദ്രസയില്‍ സ്‌കൂള്‍ വികസനസമിതി ചെയര്‍മാന്‍ കെ.ശിവദാസന്‍ ഉദ്ഘാടനം ചെയ്തു.
പി.ടി.എ. പ്രസിഡന്റ് വടക്കതില്‍ നാസര്‍ അധ്യക്ഷത വഹിച്ചു. ചടങ്ങില്‍ പൂര്‍വവിദ്യാര്‍ഥിയും എം.ബി.ബി.എസ്. വിദ്യാര്‍ഥിയുമായ ബി.ജി.വൈശാഖിന് വികസനസമിതി കണ്‍വീനര്‍ ജെ.ഷംസുദീന്‍ ഉപഹാരം സമര്‍പ്പിച്ചു.
പൂര്‍വവിദ്യാര്‍ഥിസമതി പ്രസിഡന്റ് ഡോ. സെയ്ഫുദ്ദീന്‍, എം.കലാം, മഞ്ഞപ്പാറ സലിം എന്നിവര്‍ സംസാരിച്ചു. ജീവിതശൈലീരോഗങ്ങളെക്കുറിച്ചുള്ള ബോധവത്കരണത്തിന് ഡോ. സൂരജ്, ഡോ. ഇന്ദുലക്ഷ്മി എന്നിവര്‍ നേതൃത്വം നല്‍കി.
ഹെഡ്മാസ്റ്റര്‍ ജെ.സുരേഷ് സ്വാഗതവും സീഡ് കോ ഓര്‍ഡിനേറ്റര്‍ കെ.എസ്.ഉഷ നന്ദിയും പറഞ്ഞു.